ಸಂಸ್ಕೃತೋತ್ಸವ ಚಾಂಪಿಯನ್, ಸಮಗ್ರ ರನ್ನರ್ಸ್ ಅಪ್...

ನಮ್ಮ ನಿಮ್ಮೆಲ್ಲರ ಹಾರೈಕೆ ಸಫಲವಾಗಿದೆ. ಸೂರಂಬೈಲಿನಲ್ಲಿ ನಿನ್ನೆ ಮುಕ್ತಾಯವಾದ ಕುಂಬಳೆ ಉಪಜಿಲ್ಲಾ ಕಲೋತ್ಸವದಲ್ಲಿ ನಮ್ಮ ವಿದ್ಯಾರ್ಥಿಗಳು ಕೆಲವಾರು ಟ್ರೋಫಿಗಳನ್ನು ಕೂಡಾ ಹೊತ್ತು ತಂದಿದ್ದಾರೆ. ಸಂಸ್ಕೃತೋತ್ಸವ ಪ್ರೌಢಶಾಲಾ ವಿಭಾಗದಲ್ಲಿ ಪ್ರಥಮ ಮತ್ತು ಯುಪಿ ವಿಭಾಗದಲ್ಲಿ ದ್ವಿತೀಯ ಸ್ಥಾನದ ಗೌರವದಿಂದಾಗಿ ನಮ್ಮ ವಿದ್ಯಾರ್ಥಿಗಳಿಗೆ ಅರ್ಹವಾದ ಸಂಸ್ಕೃತೋತ್ಸವ ಚಾಂಪಿಯನ್ ಪ್ರಶಸ್ತಿ ದೊರೆತಿದೆ. ಉಳಿದ ವಿಭಾಗಗಳಲ್ಲೂ ಬಹುಮಾನಗಳು ಬಂದಿರುವುದರಿಂದ ಎಲ್ಲಾ ವಿಭಾಗದ ಕಲೋತ್ಸವದಲ್ಲಿ ರನ್ನರ್ಸ್ ಅಪ್ ಆಗಲು ಸಾಧ್ಯವಾಗಿದೆ. ನಿಮಗಾಗಿ ಒಂದು ಸೂಚನೆ: ಪ್ರಥಮ ಸ್ಥಾನ ಪಡೆದ ಶಾಲೆಯಲ್ಲಿ ಒಂದರಿಂದ ಹನ್ನೆರಡರ ತನಕ ತರಗತಿಗಳಿವೆ, ಅರಬಿಕ್ ಸ್ಪರ್ಧೆಗಳಲ್ಲಿ ಭಾಗವಿಸುವ ವಿದ್ಯಾರ್ಥಿಗಳಿದ್ದಾರೆ. ನಮ್ಮ ವಿದ್ಯಾರ್ಥಿಗಳು ಐದರಿಂದ ಹತ್ತು ತರಗತಿಯವರು ಮಾತ್ರ.