ತುಂತುರು ಮಳೆ ಹನಿ
- ಮಾನಸ ಪಿ.ಎಸ್
ತುಂತುರು ಮಳೆ ಹನಿ ಬೀಳುತಿದೆ
ತರತರ ಶಬ್ದವು ಕೇಳುತಿದೆ
ಗಾಳಿಯು ಜೋರು ಬೀಸುತಿದೆ
ತೆಂಗು ಕಂಗು ಬಾಗುತಿದೆ
ಗುಡು ಗುಡು ಗುಡುಗು ಗುಡುಗುತಿದೆ
ಫಳ ಫಳ ಮಿಂಚು ಮಿಂಚುತಿದೆ
ಮಳೆಯದು ಜೋರು ಬರುತಲಿದೆ
ಭೂಮಿಗೆ ತಂಪನು ತರುತಲಿದೆ
ನಕ್ಷತ್ರ
ಫಳ ಫಳ ಮಿನುಗುವ ನಕ್ಷತ್ರ
ಬಾನಲಿ ನಗುತಿಹ ನಕ್ಷತ್ರ
ಚಂದ್ರನ ಬಳಿಯಲಿ ನಗುತಲಿ ನಿಂತಿಹ
ಬೆಳ್ಳಿಯ ಬಣ್ಣದ ನಕ್ಷತ್ರ
ರಾತ್ರಿಲಿ ಕಂಡು ಬೆಳಗಲಿ ಕಾಣದೆ
ಆಟವನಾಡುವ ನಕ್ಷತ್ರ
ಮೆಲ್ಲನೆ ಮಕ್ಕಳ ಮನಸನು ಸೆಳೆಯುತ
ಅಂದದ ಚಂದದ ನಕ್ಷತ್ರ
ಬಾನಲಿ ಮೋಡಗಳೆಡೆಯಲಿ ಅಡಗುವ
ಬಿಳಿ ಬಣ್ಣದ ಅಂದದ ನಕ್ಷತ್ರ
ನನ್ನಯ ಮುದ್ದಿನ ನಕ್ಷತ್ರ
More than anything else I appreciate the enthusiasm,sustained at that of Mr.Doddamani in updating this blog.I follow many a blog and have hardly seen updates in such a regularity.Keep it up.
ReplyDelete